由I.T.到火星學堂：我點樣行到呢一步

好多人問我,點解一個做開I.T.嘅人,會走去做(SEN)同自閉症呢一行?

老實講,我自己都冇諗過。畢業之後喺職場磨咗成十年,先至因為一次機緣,開始進修心理輔導,讀基督教輔導學院,之後做過家庭治療同輔導員嘅工作。嗰段時間,我先真正開始理解,原來一個家庭入面嘅困難,往往唔係表面睇到咁簡單。

後尾,喺老師嘅鼓勵之下,我開始專注研究特殊教育需要(SEN)同腦神經重塑呢個範疇,跟過

Dr. Lam學嘢,亦都特登去咗美國進修,返香港之後由實習開始,一步步行到而家。

近20年嚟,我見過超過1000個家庭。每一個家庭嘅故仔都唔同,但有一樣嘢係一樣嘅——冇一個家長係想放棄自己嘅小朋友,佢哋淨係想搵到一個方法,一個明白佢哋嘅人。

火星學堂就係喺呢個信念之下開始嘅。由繩索訓練,到而家嘅BrainMeter,其實核心從來冇變過——我想幫呢班小朋友,亦都想陪住呢班家長,一齊行呢條唔容易嘅路。

呢度呢個空間,我想記低更多呢啲年嚟嘅心得同想法,唔止係專業上面嘅,亦都係我自己作為一個人,喺呢條路上面嘅一啲反思。多謝你睇到呢度,遲啲再同你分享更多。