不過尋晚聽完,我都即刻有得著
我就係你地口中要按schedule既家長,小朋友遲少少訓就唔得,會發火!
宜家要返學,佢地9:00訓,晚晚要我按摩同祈禱!尋晚上完已9:20,我入房幫佢地按摩,平時既我又會好緊張,快快手按完叫佢地快d訓!
尋晚我仔又要求甘要求甘按,平時肯定已著又鬧!不過尋晚無,按佢要求按,佢開心到不得了,按完話,好舒服,我宜家放鬆哂,笑住好快訓著!今朝仲自動7點起身,唔洗摌^^

家長先做改變

阿女話我她細個時我對她好嚴
B li 巴拉數我對佢唔好嘅野……
好彩你及早發現,因為你上在周 sir 堂!
原來阿女都睇到我有改變^^

​改善親子溝通

兩星期前开始上周sir堂,开始調交自己跟孩子說話的技巧,多左讚賞,鼓勵,嘗試了解佢喜歡的野如among us是什麼,小左駡,迫。見到阿仔笑多左,我自己也覺得無之前照顧小孩甘煩同辛苦。
自己係傳統管敎之下長大,本身性格乖巧,所以覺得理所當然,唔覺有乜問題。
但發覺呢一套根本用唔到係大仔身上,之前亦唔明白點解佢做人同自己咁大分別。
對佢前途十分之擔憂。成日覺得忍佢好辛苦。
依家上咗堂,亦聽咗唔少家長分享,開始學識放鬆心情去理解佢。有時要諗吓將佢年紀減半,就符合佢嘅行為,亦了解佢需要多啲時間成長。希望一步步向好嘅方面發展。

​錫咗阿仔先

之前上網課我真係崩潰,坐唔定發脾氣無心聽,開咪同老師講唔想上堂,到復課就變左每日搏鬥功課,我搵老師社工幫忙,佢哋話阿仔小一加上疫情好多小朋友都係咁,學校心理學家教我用獎勵計劃氹佢做功課,但我試過唔work,想評估下佢係咪有特殊學習需要,學校話最快二年級,我好迷惘阿仔究竟係有需要定只係一時唔適應。
直到上左周sir堂,盡量放鬆自己唔好咁緊張,攬多啲錫阿仔多啲,至少而家我覺得親子關係好番啲,呢排阿仔可能入房發完脾氣,或打完一輪梳化,就會過黎攬住我「sorry 媽媽,我下次唔會」呢下我已經覺得好奇妙!

​做孩子的聆聽者

自從上咗周sir 堂,我學習多聆聽他們,多用遊戲方式去温書,就算想閙佢,有時都會轉句說話。
他以前常常讓哥哥,令他自己感覺受委屈。現在我見他多咗表達自己的想法和喜好,脾氣少咗。
二仔由細到大都唔是好聽到人講嘢,有時唔是好入耳。加上功課成日做晤晒,大家關係好差好緊張。
我星期六原本打算溫書考試,但我專登同他出去買餸食嘢玩咗4個鐘。
今次的體驗,令我著重睇他的眼神,我見佢好投入,不停講嘢給我知。
我好耐冇試過同他有這種親密的感覺。返到屋企他自己主動話温書。
我都認為改善關係比食藥或supplement ⋯ 更重要,這是我上完家長課的得着。對我而言,藥/supplement只是輔助,親子關係是一世的。

親子關係大躍進

啲陀螺對阿媽就個個差唔多,我記陀螺名差過阿仔做閱讀理解,我上完周sir堂,唔再「敵視」阿仔的陀螺,嘗試同佢一齊玩,真係唔容易,仲畀阿仔笑我"咋"。不過親子關係就大躍進。

唔work嘅方法唔再用

仔10月最後一個星期測驗,但他測驗前前個星期五六日都發高燒,溫唔到書。得最後一個星期溫。本著周sir 講破斧沉舟的心態,叫佢做淨2頁,仔話要做完全份卷。當佢又又又串錯字,我諗起「唔work嘅方法唔好再用」,於是我拋開phonics , 同佢畫畫記字、跳住舞唱個字出嚟。中文字唔識寫,我記住要「笑住教」,見佢好似寫錯就截住佢、講笑問你係咪想寫(之前錯的字)、同佢講「你話唔識,媽媽依家會教識你,唔係駡你」。雖然只得一個weekend 加平日放學做功課後得少少時間預備,但佢心情靚,溫書成效好高。今次完成所有卷無漏空,成績唔錯。

​想知道更多?

歡迎 按此 申請訂閱火星學堂最新資訊

​如有任何疑問,可以透過以下渠道聯絡我們: